नमस्कार मंडळी !
आज देवशयनी आषाढी एकादशी, भूवैकुंठ पंढरीची वारी, आम्हां वारकऱ्यांचा दिवाळी, दसरा, पाडवा आणि सर्व काही !
जशी सासुरवाशिणीला माहेराची सतत सय येत असते, अगदी तशीच आपल्या लाडक्या लेकीची मायेलाही सतत आठवण येत असते. माय कामात मग्न दिसली तरी तिचे चित्त आपल्या पिलापाशीच असते. आणि आमची पंढरीची कासे पितांबर ल्यालेली, कटीवर कर ठेवून वाट पाहणारी सावळी सुंदर विठुमाय तर अवघ्या जगाचीच मायमाउली आहे, तिचेच बाळगोपाळ साऱ्या जगभर विखुरलेले आहेत. आजच्या दिवशी ते सारे या परमप्रेमळ विठुमायेच्या कुशीत येऊन विसावण्यासाठी धडपडत असतात. जे प्रत्यक्ष पंढरीत येतात त्यांना तर ती प्रेमावेगाने जवळ ओढून त्यांचे मुके घेतेच ; पण जे तिथवर येऊ शकत नाहीत, त्यांनाही ती आपल्या स्मरणाच्या प्रेमभरल्या मांडीवर बसवून त्यांचे तितकेच लाड करते, त्यांची अलाबला काढते व पदराखाली घेऊन अमृतस्तन्यही पाजते.
आमची ही सावळी सुंदर विठुमाय फारच गोड आहे, कनवाळू आहे आणि अंतर्बाह्य वेडावणारी देखील आहे. एकदा का हिची गोडी लागली की मग इतर कशातही रसच राहात नाही. आपण जिथे जातो तिथे सतत ती बरोबरच असते, आपली सर्व बाजूंनी न सांगताच काळजी देखील घेते. आज अठ्ठावीस युगे उलटली तरी तिचे हे वात्सल्यप्रेम व्यक्त करणे थांबलेलेच नाही, ना तिचे भक्त कमी झाले ना तिचे प्रेम आटले. सर्वकाही चौगुणे वाढतच आहे ! खरोखरीच आमची ही विठुमाउली एकमेवाद्वितीय आणि अत्युत्तम आहे !!
पंढरीच्या आषाढी प्रेमसोहळ्याचे भावपूर्ण संस्मरण करतानाच, भगवान श्रीपांडुरंगांच्या स्वरूपाचा, त्यांच्या अलौकिक भक्तवात्सल्याचा, भक्तांच्या भगवत्प्रेमाचा आणि 'पांडुरंग' या विशेष नामाचा विविधांगी परामर्शही प्रस्तुत लिंकवरील लेखात घेतलेला आहे. आजच्या आषाढी महाएकादशीच्या पावन पर्वावर या भगवान श्रीविठ्ठल-स्तुतिसुमनांजलीचा आपणही अास्वाद घ्यावा ही विनंती.
पंढरीचे सुख नाही त्रिभुवनी
https://rohanupalekar.blogspot.com/2016/07/blog-post_15.html?m=1
आज देवशयनी आषाढी एकादशी, भूवैकुंठ पंढरीची वारी, आम्हां वारकऱ्यांचा दिवाळी, दसरा, पाडवा आणि सर्व काही !
जशी सासुरवाशिणीला माहेराची सतत सय येत असते, अगदी तशीच आपल्या लाडक्या लेकीची मायेलाही सतत आठवण येत असते. माय कामात मग्न दिसली तरी तिचे चित्त आपल्या पिलापाशीच असते. आणि आमची पंढरीची कासे पितांबर ल्यालेली, कटीवर कर ठेवून वाट पाहणारी सावळी सुंदर विठुमाय तर अवघ्या जगाचीच मायमाउली आहे, तिचेच बाळगोपाळ साऱ्या जगभर विखुरलेले आहेत. आजच्या दिवशी ते सारे या परमप्रेमळ विठुमायेच्या कुशीत येऊन विसावण्यासाठी धडपडत असतात. जे प्रत्यक्ष पंढरीत येतात त्यांना तर ती प्रेमावेगाने जवळ ओढून त्यांचे मुके घेतेच ; पण जे तिथवर येऊ शकत नाहीत, त्यांनाही ती आपल्या स्मरणाच्या प्रेमभरल्या मांडीवर बसवून त्यांचे तितकेच लाड करते, त्यांची अलाबला काढते व पदराखाली घेऊन अमृतस्तन्यही पाजते.
आमची ही सावळी सुंदर विठुमाय फारच गोड आहे, कनवाळू आहे आणि अंतर्बाह्य वेडावणारी देखील आहे. एकदा का हिची गोडी लागली की मग इतर कशातही रसच राहात नाही. आपण जिथे जातो तिथे सतत ती बरोबरच असते, आपली सर्व बाजूंनी न सांगताच काळजी देखील घेते. आज अठ्ठावीस युगे उलटली तरी तिचे हे वात्सल्यप्रेम व्यक्त करणे थांबलेलेच नाही, ना तिचे भक्त कमी झाले ना तिचे प्रेम आटले. सर्वकाही चौगुणे वाढतच आहे ! खरोखरीच आमची ही विठुमाउली एकमेवाद्वितीय आणि अत्युत्तम आहे !!
पंढरीच्या आषाढी प्रेमसोहळ्याचे भावपूर्ण संस्मरण करतानाच, भगवान श्रीपांडुरंगांच्या स्वरूपाचा, त्यांच्या अलौकिक भक्तवात्सल्याचा, भक्तांच्या भगवत्प्रेमाचा आणि 'पांडुरंग' या विशेष नामाचा विविधांगी परामर्शही प्रस्तुत लिंकवरील लेखात घेतलेला आहे. आजच्या आषाढी महाएकादशीच्या पावन पर्वावर या भगवान श्रीविठ्ठल-स्तुतिसुमनांजलीचा आपणही अास्वाद घ्यावा ही विनंती.
पंढरीचे सुख नाही त्रिभुवनी
https://rohanupalekar.blogspot.com/2016/07/blog-post_15.html?m=1
Posts
