February 06, 2019 श्रीज्ञानेश्वरी सुबोधिनीचा अमृतयोग

आज माघ शुद्ध द्वितीया, प.पू.सद्गुरु श्री.गोविंदकाका उपळेकर महाराजांची १३१ वी जयंती. त्यानिमित्त श्रीचरणीं सादर साष्टांग दंडवत !!
प.पू.श्री.काकांच्या चरित्रावर आजवर बरेच लिहिले गेले. नुकतेच प.पू.श्री.काकांच्या पुण्यतिथीला त्यांचे अल्पचरित्र व भक्तांच्या आजवर अप्रकाशित असलेल्या अतर्क्य व अलौकिक हकिकतींवरील स्वानंदचक्रवर्ती हा ग्रंथही प्रकाशित झाला. तुम्हां सर्व सद्भक्त वाचकांच्या उत्तम प्रतिसादाने या सुरेख ग्रंथाच्या सहाशेपेक्षा जास्त प्रती संपल्या देखील. अनेक वाचकांनी भरभरून प्रतिक्रिया दिल्या, ग्रंथ आवडल्याचे मनापासून कळवले. हा सर्व मी प.पू.श्री.काकांचाच अमोघ कृपाप्रसाद समजतो. कारण तेच तुम्हां वाचकांच्या रूपाने आमच्या पाठीवरून कौतुकाचा हात फिरवीत आहेत. आता पुढच्या ग्रंथाचे कामही त्यांच्याच कृपेने सुरू झालेले आहे.
प.पू.सद्गुरु श्री.काकांच्या अद्भुत कृपेचा एक विलक्षण प्रत्यय नुकताच आला. प.पू.श्री.काकांनी श्री ज्ञानेश्वरीच्या अठरा अध्यायांवरील आपले स्वानुभूत निगूढ चिंतन श्रीज्ञानेश्वरी सुबोधिनी या नावाने प्रकाशित केले होते. हे अठरा खंड मिळून जवळपास अडीच हजार पृष्ठांचे अलौकिक वाङ्मय माउलीकृपेने निर्माण झाले. आजमितीस हे सर्व ग्रंथ दुर्मिळ झालेले आहेत. अनेक भाविक वाचक वारंवार मागणी करीत असूनही आम्ही ते उपलब्ध करवून देऊ शकलो नव्हतो. परवा नेटवर सर्च करीत असताना, अमेरिकेत राहणारे प.पू.काकांचे एक भक्त श्री.सुमित अध्यापक यांना हैदराबादच्या उस्मानिया विद्यापीठाने त्यांच्या ग्रंथालयातील पू.काकांचे काही वाङ्मय स्कॅन करून अपलोड केलेले सापडले. त्यांनी अत्यानंदाने पुण्यातील आपले बंधू श्री.पराग अध्यापक यांना त्या पीडीएफ पाठवल्या. तेच सर्व अक्षरधन श्री.सचिन प्रभुणे यांनी तातडीने गुगल ड्राईव्हवर अपलोड करून दिले. त्यांच्या लिंक्स या लेखासोबत जोडलेल्या आहेत. आपण त्या लिंक्सवरून प.पू.श्री.काकांचे हे वाङ्मय डाऊनलोड करून प्रेमाने वाचावे ही प्रार्थना. या निरलस सेवेसाठी अध्यापक बंधूंचे व प्रभुणे यांचे मी सर्वांच्या वतीने मनापासून आभार मानतो.
एरवी एवढे प्रचंड वाङ्मय स्कॅन करणे आम्हांला शक्य झाले नसते. देवदयेने स्कॅन केलेलेच सापडले. ही नि:संशय प.पू.श्री.काकांचीच करुणाकृपा आहे.
यामध्ये श्रीज्ञानेश्वरी सुबोधिनीचे १ ते ६, ९, ११ ते १४ व १८ असे एकूण बारा अध्याय ( एकूण २५० MB ) आहेत. यातील केवळ सहाव्या अध्यायाचे संस्कृत भाषांतर आहे, बाकी सर्व मराठीमध्येच आहेत. प.पू.श्री.काकांच्या कृपेने लवकरच इतरही वाङ्मय अशाप्रकारे उपलब्ध करून देता येवो, हीच त्यांना कळकळीची प्रार्थना आहे.

[ खालील लिंक्स वरून श्रीज्ञानेश्वरी सुबोधिनीचे बारा अध्याय स्वतंत्रपणे डाऊनलोड करून घेता येतील.

श्रीज्ञानेश्वरी - सुबोधिनी अध्याय - १
https://drive.google.com/file/d/1RRMKTcfiw4hy7T9mADUs9R7fpxjThxIw/view?usp=drivesdk

श्रीज्ञानेश्वरी - सुबोधिनी अध्याय - २
https://drive.google.com/file/d/1PAYsRhmg_xw4AHf1ODQxp6MHO7gts3-y/view?usp=drivesdk

श्रीज्ञानेश्वरी - सुबोधिनी अध्याय - ३
https://drive.google.com/file/d/19NiwWn7l8eYDuz3-9hPnMElGzFV63O98/view?usp=drivesdk

श्रीज्ञानेश्वरी - सुबोधिनी अध्याय - ४
https://drive.google.com/file/d/12nSxrLvpZDQ3I4nEezHYtmvEIi6FrxRR/view?usp=drivesdk

श्रीज्ञानेश्वरी - सुबोधिनी अध्याय - ५
https://drive.google.com/file/d/17mnLxefPWisdvDFJOsrpaMoAwJH5t48m/view?usp=drivesdk

श्रीज्ञानेश्वरी - सुबोधिनी अध्याय - ६
https://drive.google.com/file/d/1mtdcp9olpWvxWoboaEj41l0m1-erJ0Sy/view?usp=drivesdk

श्रीज्ञानेश्वरी - सुबोधिनी अध्याय - ९
https://drive.google.com/file/d/1NICMrQjVb0Kl8633THtC2lGHHsZN-oIu/view?usp=drivesdk

श्रीज्ञानेश्वरी - सुबोधिनी अध्याय - ११
https://drive.google.com/file/d/1EPq-ZTBDS-mHqRxU3fANYZ7qmhWwiwya/view?usp=drivesdk

श्रीज्ञानेश्वरी - सुबोधिनी अध्याय - १२
https://drive.google.com/file/d/1_FON7yycYh1-YmpOa_7w51vmPIPhdfTw/view?usp=drivesdk

श्रीज्ञानेश्वरी - सुबोधिनी अध्याय - १३
https://drive.google.com/file/d/1YO0hZTuq0ynKZCFWKe0UPGZJT3wGtx2h/view?usp=drivesdk

श्रीज्ञानेश्वरी - सुबोधिनी अध्याय - १४
https://drive.google.com/file/d/1MrcjQ7ywDfb-w_fzGxJHRUe1UQyWeY-i/view?usp=drivesdk

श्रीज्ञानेश्वरी - सुबोधिनी अध्याय - १८
https://drive.google.com/file/d/1GBsYfHUOWn7POV45MopZpMrin8escNI1/view?usp=drivesdk ]

श्रीज्ञानेश्वरी सुबोधिनी हे प.पू.काकांनी श्रीज्ञानेश्वरीवर स्वानुभवपूर्वक लिहिलेले भाष्य आहे. नाव जरी सुबोधिनी असले तरी वस्तुत: एका अलौकिक अशा अवधूती स्थितीमध्ये लिहिलेले असल्याने हे भाष्य तसे सोपे नाही. तसेच प.पू.काकांच्या पल्लेदार वाक्यशैलीची सवय झाल्याशिवाय ते नीट उमजतही नाही. तरीही सद्गुरु श्री माउलींच्याच अपरंपार करुणाकृपेचा प्रसन्न आविष्कार असणारी ही सुबोधिनी वाचकाला आनंददायक ठरेलच, यात अजिबात शंका नाही.
आज हे भाष्य आपल्याला उपलब्ध करून देताना प.पू.श्री.काकांच्या स्मरणाने भरून आलेले आहे. त्यांनी आपल्या कृपेने आम्हां सर्वांकडून अशीच अविरत सेवा घडवून घ्यावी हीच याप्रसंगी मनोभावे प्रार्थना !!
( प.पू.श्री.काकांवरील 'स्वानंदचक्रवर्ती' ग्रंथ पाहिजे असल्यास खालील क्रमांकावर संपर्क करावा. सेवामूल्य रु.५०/- मात्र. )
लेखक : रोहन विजय उपळेकर
भ्रमणभाष : 8888904481