तस्मै श्रीगुरवे नम: ।
नमस्कार मंडळी !
आज वैशाख कृष्ण चतुर्दशी, श्रीदत्त-श्रीनाथ-श्रीभागवत संप्रदायांचे अध्वर्यू आणि राजाधिराज श्रीस्वामी समर्थ महाराजांच्या परंपरेतील महान विभूतिमत्त्व प.पू.श्री.मामासाहेब देशपांडे महाराजांचे दोन्ही उत्तराधिकारी आणि आम्हां सर्व साधकांचे सद्गुरुद्वय, प.पू.श्री.शिरीषदादा कवडे आणि नुकत्याच ब्रह्मलीन झालेल्या प.पू.सौ.शकुंतलाताई आगटे या दोघांचीही आज जयंती. या दोन्ही विभूतींच्या श्रीचरणीं सादर साष्टांग दंडवत प्रणाम !
श्रीभगवंतांच्या असीम दयाकृपेने मला श्रीसद्गुरुद्वयांचा सहवास लाभला, आजही लाभतो आहे. त्यांचे सान्निध्य जवळून अनुभवता आले, ही खरोखर जन्मजन्मांतरीची पुण्याई व श्रीभगवंतांची दयाकृपाच होय ! सद्गुरुसहवास ही अत्यंत अलौकिक आणि अद्भुत गोष्ट असते. चालत्या बोलत्या परमप्रेमळ, परमदयाळू परब्रह्माच्या अवतीभोवती वावरण्यात, जमेल तशी त्यांची सेवा करण्यात जे अद्वितीय सुख अनुभवायला मिळते, त्याची जगात अक्षरश: कशाशीही तुलना करता येणार नाही. ती अद्वितीय-उत्तम अशीच गोष्ट आहे. प.पू.सद्गुरु सौ.शकाताई या साक्षात् भगवती श्रीराधाजींच्याच अवतार होत्या. त्यामुळे त्यांचा भक्तिशास्त्राचा एकमेवाद्वितीय अधिकार आपल्या बुद्धीच्या पलीकडचाच होता. त्या श्रीकृष्णप्रेमाची घनीभूत श्रीमूर्तीच होत्या. त्यांच्यात आणि श्रीभगवंतांच्यामध्ये काहीही भेदच नव्हता. त्या परिपूर्ण श्रीकृष्णस्वरूपच झालेल्या होत्या. असे असंख्य प्रसंग देवांच्या कृपेने आम्हांला पाहायला मिळाले, ज्यातून पू.सौ.ताईंचे हे अलौकिकत्व स्पष्ट दिसून येत असे. आज त्यांच्या लौकिक देहत्यागानंतरची ही पहिलीच जयंती आहे, त्यामुळे त्यांची राहून राहून खूपच आठवण येत आहे. अनुत्तरभट्टारिका महारासेश्वरी सद्गुरु सौ.शकाताईंच्या श्रीचरणारविंदी सादर साष्टांग दंडवत !
प.पू.सद्गुरु श्री.शिरीषदादा कवडे यांचीही आज जन्मतिथी आहे. प.पू.श्री.दादा हे शास्त्रोचित सद्गुरुलक्षणांचे मूर्तिमंत उदाहरणच आहेत. सद्गुरु श्री ज्ञानेश्वर माउलींनी ज्ञानेश्वरीत सांगितलेली सर्व गुरुलक्षणे प.पू.श्री.दादांच्या ठायी सहजतेने विलसताना दिसतात. त्यांचे पुण्यपावन दर्शन आपल्याला वारंवार होते आणि त्यांची कृपा आपल्यावर आहे, हेच आपले अलौकिक महद्भाग्य आहे, असे मी मनापासून मानतो. प.पू.सद्गुरु श्री.दादांच्या श्रीचरणीं सादर साष्टांग दंडवत !
प.पू.श्री.दादांच्या अभंगाच्या आधारे लिहिलेला पू.सद्गुरु सौ.ताई व पू.सद्गुरु श्री.दादांवरील एक लेख खालील लिंकवर आहे, तोही आवर्जून वाचावा ही विनंती.
जीव ऋणवंत होई त्यांचा
https://rohanupalekar.blogspot.com/2017/05/blog-post_24.html?m=1
आज वैशाख कृष्ण चतुर्दशी, श्रीदत्त-श्रीनाथ-श्रीभागवत संप्रदायांचे अध्वर्यू आणि राजाधिराज श्रीस्वामी समर्थ महाराजांच्या परंपरेतील महान विभूतिमत्त्व प.पू.श्री.मामासाहेब देशपांडे महाराजांचे दोन्ही उत्तराधिकारी आणि आम्हां सर्व साधकांचे सद्गुरुद्वय, प.पू.श्री.शिरीषदादा कवडे आणि नुकत्याच ब्रह्मलीन झालेल्या प.पू.सौ.शकुंतलाताई आगटे या दोघांचीही आज जयंती. या दोन्ही विभूतींच्या श्रीचरणीं सादर साष्टांग दंडवत प्रणाम !
श्रीभगवंतांच्या असीम दयाकृपेने मला श्रीसद्गुरुद्वयांचा सहवास लाभला, आजही लाभतो आहे. त्यांचे सान्निध्य जवळून अनुभवता आले, ही खरोखर जन्मजन्मांतरीची पुण्याई व श्रीभगवंतांची दयाकृपाच होय ! सद्गुरुसहवास ही अत्यंत अलौकिक आणि अद्भुत गोष्ट असते. चालत्या बोलत्या परमप्रेमळ, परमदयाळू परब्रह्माच्या अवतीभोवती वावरण्यात, जमेल तशी त्यांची सेवा करण्यात जे अद्वितीय सुख अनुभवायला मिळते, त्याची जगात अक्षरश: कशाशीही तुलना करता येणार नाही. ती अद्वितीय-उत्तम अशीच गोष्ट आहे. प.पू.सद्गुरु सौ.शकाताई या साक्षात् भगवती श्रीराधाजींच्याच अवतार होत्या. त्यामुळे त्यांचा भक्तिशास्त्राचा एकमेवाद्वितीय अधिकार आपल्या बुद्धीच्या पलीकडचाच होता. त्या श्रीकृष्णप्रेमाची घनीभूत श्रीमूर्तीच होत्या. त्यांच्यात आणि श्रीभगवंतांच्यामध्ये काहीही भेदच नव्हता. त्या परिपूर्ण श्रीकृष्णस्वरूपच झालेल्या होत्या. असे असंख्य प्रसंग देवांच्या कृपेने आम्हांला पाहायला मिळाले, ज्यातून पू.सौ.ताईंचे हे अलौकिकत्व स्पष्ट दिसून येत असे. आज त्यांच्या लौकिक देहत्यागानंतरची ही पहिलीच जयंती आहे, त्यामुळे त्यांची राहून राहून खूपच आठवण येत आहे. अनुत्तरभट्टारिका महारासेश्वरी सद्गुरु सौ.शकाताईंच्या श्रीचरणारविंदी सादर साष्टांग दंडवत !
प.पू.सद्गुरु श्री.शिरीषदादा कवडे यांचीही आज जन्मतिथी आहे. प.पू.श्री.दादा हे शास्त्रोचित सद्गुरुलक्षणांचे मूर्तिमंत उदाहरणच आहेत. सद्गुरु श्री ज्ञानेश्वर माउलींनी ज्ञानेश्वरीत सांगितलेली सर्व गुरुलक्षणे प.पू.श्री.दादांच्या ठायी सहजतेने विलसताना दिसतात. त्यांचे पुण्यपावन दर्शन आपल्याला वारंवार होते आणि त्यांची कृपा आपल्यावर आहे, हेच आपले अलौकिक महद्भाग्य आहे, असे मी मनापासून मानतो. प.पू.सद्गुरु श्री.दादांच्या श्रीचरणीं सादर साष्टांग दंडवत !
प.पू.श्री.दादांच्या अभंगाच्या आधारे लिहिलेला पू.सद्गुरु सौ.ताई व पू.सद्गुरु श्री.दादांवरील एक लेख खालील लिंकवर आहे, तोही आवर्जून वाचावा ही विनंती.
जीव ऋणवंत होई त्यांचा
https://rohanupalekar.blogspot.com/2017/05/blog-post_24.html?m=1
Posts
0 comments:
Post a Comment