October 08, 2019 सद्गुरु श्रीसंत साईबाबा महाराज पुण्यतिथी

आज विजयादशमी,
सद्गुरु श्रीसंत साईबाबा महाराजांची आज १०१ वी पुण्यतिथी आहे. विजयादशमी, दि.१५ ऑक्टोबर १९१८ रोजी नेमक्या विजयमुहूर्तावर त्यांनी आपल्या नश्वर देहाचा त्याग केला होता.
राजाधिराज सद्गुरु श्रीअक्कलकोट स्वामी समर्थ महाराजांच्या कृपापरंपरेतील हे महान अवलिया विभूतिमत्व त्याकाळात व आजच्याही काळात लोकांच्या जाणिवेत मावलेले नाही, कधीच मावणारही नाही. त्यामुळेच त्यांच्याविषयी, त्यांच्या धर्माविषयी निरर्थक वाद घालण्यातच काहींना मोठा पुरुषार्थ केल्यासारखे वाटते. श्रीभगवंतांच्या मायेने पक्के भुलवलेले असले हे अज्ञानी जन त्यांच्या कुकर्मांच्या योगाने असे व्यर्थ बरळत आहेत, असे म्हटल्यास वावगे ठरू नये. आपण मात्र चुकूनही महात्म्यांच्या निंदेचे, अधिक्षेपाचे महापातक घेऊ नये. आपण प्रेमाने व मनापासून श्रीसंत साईबाबांच्या श्रीचरणीं अभिवादन करून धन्य होऊ या !
श्रीसंत साईबाबांच्या शताब्दी पुण्यतिथी दिनी लिहिलेला लेख खालील लिंकवर वाचता येईल.
श्रीसंत साईबाबा महाराज
https://rohanupalekar.blogspot.com/2018/10/blog-post_76.html?m=1