वन्दे आलन्दिवल्लभम् - ५
सद्गुरु भगवान श्री ज्ञानेश्वर महाराज हे यच्चयावत् सर्व मराठी संतांचे जीवीचे जिवलग आहेत, सोयरे-धायरे आहेत, सर्वस्वच आहेत. आपल्या संतांचे अवघे विश्वच सद्गुरु श्री माउलींभोवती फिरते. भगवान श्रीपंढरीरायांचे अनन्य भक्त असणारे श्रीसंत सेना न्हावी महाराज तर सद्गुरु श्री माउलींच्या गुणवर्णनात पुरेपूर रंगून जातात. श्री माउलींचे माहात्म्य सांगताना त्यांना सर्वस्वाचाच विसर पडतो, काय नि किती सांगू असे होऊन जाते. आता हाच अभंग पाहा त्यांचा, किती गोड बोलत आहेत ते यात.
ज्ञानदेव गुरु ज्ञानदेव तारूं ।
उतरी पैल पारूं ज्ञानदेव ॥१॥
ज्ञानदेव माता ज्ञानदेव पिता ।
तोडील भवव्यथा ज्ञानदेव ॥२॥
ज्ञानदेव माझे सोयरे धायरे ।
जिवलग निर्धारे ज्ञानदेव ॥३॥
सेना म्हणे माझा ज्ञानदेव निधान ।
दाविली निजखूण ज्ञानदेवे ॥स.सं.से.१२६.४॥
"सद्गुरु श्री ज्ञानदेव माउली हे माझे गुरु आहेत, तेच माझे भवसागरातून तरून जाण्याचे महान असे तारू, जहाज देखील आहेत. त्यांच्याच साहाय्याने मी हा दुस्तर भवसागर सहजतेने तरून जाणार आहे, गेलो आहे. (या जहाजाचा माझ्यासारखाच तुम्ही देखील आश्रय घ्यावा.)
सद्गुरु श्री ज्ञानदेव माउली हेच माझे खरे माता-पिता आहेत. कारण तेच आजवर सर्वार्थाने, सर्व बाजूंनी आणि सदैव माझा सांभाळ करीत आलेले आहेत. त्यांच्या कृपाप्रसादानेच ही दुर्धर भवव्यथा नष्ट होणार आहे, याची मला पूर्ण खात्री पटलेली आहे. माझे आप्त, माझे सोयरे-धायरे, माझे जिवलग सखे सर्वकाही हे सद्गुरु श्री माउली भगवानच आहेत. मला त्यांच्याशिवाय दुसरा कोणताच आधार नाही ; आणि आता ते असताना दुसऱ्या कोणत्याही आधाराची मला गरजही नाही.
सेना महाराज म्हणतात की, हे सद्गुरु भगवान श्री ज्ञानेश्वर महाराज माझे सर्वश्रेष्ठ असे निधान आहेत, माझे अपरिमित वैभव आहेत, माझा अनर्घ्य रत्नांचा खजिनाच आहे. कारण त्यांनीच मला कृपापूर्वक 'निजखूण' दाखवून ब्रह्मस्वरूप केलेले आहे. म्हणूनच मी त्यांना पूर्णपणे, अनन्यतेने शरण जाऊन, त्यांच्याच श्रीचरणीं कायमचा लीन होऊन राहिलेलो आहे !"
(सद्गुरु भगवान श्री माउलींच्या काळातील संतांच्या आणि त्यांच्या अलौकिक स्नेहसंबंधांवर प्रकाश टाकणारा तसेच प.पू.श्री.मामासाहेब देशपांडे महाराजांनी श्री माउलींवर लिहिलेल्या "चैतन्यचक्रवर्ती" या संगीत नाटकाचे रसग्रहण करणारा लेख खालील लिंकवर वाचता येईल.)
वन्दे पूर्णब्रह्मपरानन्दमीशं आलन्दिवल्लभम् - ५
https://rohanupalekar.blogspot.com/2018/08/blog-post_23.html?m=1
ज्ञानदेव गुरु ज्ञानदेव तारूं ।
उतरी पैल पारूं ज्ञानदेव ॥१॥
ज्ञानदेव माता ज्ञानदेव पिता ।
तोडील भवव्यथा ज्ञानदेव ॥२॥
ज्ञानदेव माझे सोयरे धायरे ।
जिवलग निर्धारे ज्ञानदेव ॥३॥
सेना म्हणे माझा ज्ञानदेव निधान ।
दाविली निजखूण ज्ञानदेवे ॥स.सं.से.१२६.४॥
"सद्गुरु श्री ज्ञानदेव माउली हे माझे गुरु आहेत, तेच माझे भवसागरातून तरून जाण्याचे महान असे तारू, जहाज देखील आहेत. त्यांच्याच साहाय्याने मी हा दुस्तर भवसागर सहजतेने तरून जाणार आहे, गेलो आहे. (या जहाजाचा माझ्यासारखाच तुम्ही देखील आश्रय घ्यावा.)
सद्गुरु श्री ज्ञानदेव माउली हेच माझे खरे माता-पिता आहेत. कारण तेच आजवर सर्वार्थाने, सर्व बाजूंनी आणि सदैव माझा सांभाळ करीत आलेले आहेत. त्यांच्या कृपाप्रसादानेच ही दुर्धर भवव्यथा नष्ट होणार आहे, याची मला पूर्ण खात्री पटलेली आहे. माझे आप्त, माझे सोयरे-धायरे, माझे जिवलग सखे सर्वकाही हे सद्गुरु श्री माउली भगवानच आहेत. मला त्यांच्याशिवाय दुसरा कोणताच आधार नाही ; आणि आता ते असताना दुसऱ्या कोणत्याही आधाराची मला गरजही नाही.
सेना महाराज म्हणतात की, हे सद्गुरु भगवान श्री ज्ञानेश्वर महाराज माझे सर्वश्रेष्ठ असे निधान आहेत, माझे अपरिमित वैभव आहेत, माझा अनर्घ्य रत्नांचा खजिनाच आहे. कारण त्यांनीच मला कृपापूर्वक 'निजखूण' दाखवून ब्रह्मस्वरूप केलेले आहे. म्हणूनच मी त्यांना पूर्णपणे, अनन्यतेने शरण जाऊन, त्यांच्याच श्रीचरणीं कायमचा लीन होऊन राहिलेलो आहे !"
(सद्गुरु भगवान श्री माउलींच्या काळातील संतांच्या आणि त्यांच्या अलौकिक स्नेहसंबंधांवर प्रकाश टाकणारा तसेच प.पू.श्री.मामासाहेब देशपांडे महाराजांनी श्री माउलींवर लिहिलेल्या "चैतन्यचक्रवर्ती" या संगीत नाटकाचे रसग्रहण करणारा लेख खालील लिंकवर वाचता येईल.)
वन्दे पूर्णब्रह्मपरानन्दमीशं आलन्दिवल्लभम् - ५
https://rohanupalekar.blogspot.com/2018/08/blog-post_23.html?m=1
Posts
0 comments:
Post a Comment