साठवणीतली वारी - १
साठवणीतली वारी
सप्रेम जय हरि !!
आज आषाढ शुद्ध तृतीया, भगवान सद्गुरु श्री ज्ञानेश्वर महाराजांच्या पालखी सोहळ्याचा फलटण मुक्काम ! आमचे लाडके ज्ञानेश्वर माउली आज आमच्या गावात आपल्या आनंदसोहळ्यासह मुक्कामास येणार. स्वर्ग वगैरे केवळ कल्पनाच ठराव्यात या अद्भुत आनंदासमोर, खरंच सांगतो !
माउलींची वारी हा माझ्या हृदयीचा अत्यंत देखणा व कधीही न कोमेजणारा, नित्यसुगंधी असा मनमोहक फुलांचा ताटवा आहे. या प्रेमबागेत शिरले की घड्याळच काय, काळही बाहेरच राहून जातो; उरतो तो केवळ माउलींच्या अद्भुतानंदाचा सतत हवाहवासा वाटणारा, मोगरा-सोनचाफा-चंदनाचा संमिश्र सुगंध ल्यालेला प्रसन्न प्रेमाविष्कार, कालातीत आणि शब्दातीत ! सद्गुरु श्री माउलींनी एकाहाती साकारलेले हे प्रेमनाट्य जन्मजन्मांतरी पुरून उरेल इतके जबरदस्त आहे. आठवणींच्या पडद्यावर कधीही हे पाहावे, अस्वस्थ करणारा अवघा भोवताल विसरून जीव त्यात वेडावला नाही तरच नवल.
श्रीसद्गुरुकृपेने हृदयकुपीतील या आनंदविश्वाचे विहंगमावलोकन साठवणीतली वारी या लेखमालेतून घडले. गेल्यावर्षी त्यातले तीनच लेख लिहून झाले. आता मनात येते आहे की, पुढील लेखनही करावे. निदान वारी चालू आहे तोवर दोनतरी लेख अजून लिहावेत. सद्गुरु श्री माउलींची करुणाकृपा झाली तर नक्कीच ही सेवाही हातून घडेल. त्याद्वारे माझ्यासोबत तुम्हांलाही वारीच्या या स्मरणयात्रेत सहभागी होता येईल. त्यासाठीच हे प्रेमाचे निमंत्रण.
'साठवणीतली वारी' चा पहिला लेख खालील लिंकवर आहे. लेखमालेची तीच सुरुवात असल्याने पुन्हा आधीचे तीन लेख क्रमाने पाहूया व मग नवीन लेखांकडे वळू या.
आमच्या फलटणच्या माउलींच्या आनंदसोहळ्यात सहभागी होण्यासाठी आज सर्वांनी जरूर यावे.
साठवणीतली वारी - १
https://rohanupalekar.blogspot.com/2017/06/blog-post_19.html?m=1
लेखक - रोहन विजय उपळेकर
भ्रमणभाष - 8888904481
सप्रेम जय हरि !!
आज आषाढ शुद्ध तृतीया, भगवान सद्गुरु श्री ज्ञानेश्वर महाराजांच्या पालखी सोहळ्याचा फलटण मुक्काम ! आमचे लाडके ज्ञानेश्वर माउली आज आमच्या गावात आपल्या आनंदसोहळ्यासह मुक्कामास येणार. स्वर्ग वगैरे केवळ कल्पनाच ठराव्यात या अद्भुत आनंदासमोर, खरंच सांगतो !
माउलींची वारी हा माझ्या हृदयीचा अत्यंत देखणा व कधीही न कोमेजणारा, नित्यसुगंधी असा मनमोहक फुलांचा ताटवा आहे. या प्रेमबागेत शिरले की घड्याळच काय, काळही बाहेरच राहून जातो; उरतो तो केवळ माउलींच्या अद्भुतानंदाचा सतत हवाहवासा वाटणारा, मोगरा-सोनचाफा-चंदनाचा संमिश्र सुगंध ल्यालेला प्रसन्न प्रेमाविष्कार, कालातीत आणि शब्दातीत ! सद्गुरु श्री माउलींनी एकाहाती साकारलेले हे प्रेमनाट्य जन्मजन्मांतरी पुरून उरेल इतके जबरदस्त आहे. आठवणींच्या पडद्यावर कधीही हे पाहावे, अस्वस्थ करणारा अवघा भोवताल विसरून जीव त्यात वेडावला नाही तरच नवल.
श्रीसद्गुरुकृपेने हृदयकुपीतील या आनंदविश्वाचे विहंगमावलोकन साठवणीतली वारी या लेखमालेतून घडले. गेल्यावर्षी त्यातले तीनच लेख लिहून झाले. आता मनात येते आहे की, पुढील लेखनही करावे. निदान वारी चालू आहे तोवर दोनतरी लेख अजून लिहावेत. सद्गुरु श्री माउलींची करुणाकृपा झाली तर नक्कीच ही सेवाही हातून घडेल. त्याद्वारे माझ्यासोबत तुम्हांलाही वारीच्या या स्मरणयात्रेत सहभागी होता येईल. त्यासाठीच हे प्रेमाचे निमंत्रण.
'साठवणीतली वारी' चा पहिला लेख खालील लिंकवर आहे. लेखमालेची तीच सुरुवात असल्याने पुन्हा आधीचे तीन लेख क्रमाने पाहूया व मग नवीन लेखांकडे वळू या.
आमच्या फलटणच्या माउलींच्या आनंदसोहळ्यात सहभागी होण्यासाठी आज सर्वांनी जरूर यावे.
साठवणीतली वारी - १
https://rohanupalekar.blogspot.com/2017/06/blog-post_19.html?m=1
लेखक - रोहन विजय उपळेकर
भ्रमणभाष - 8888904481
Posts
0 comments:
Post a Comment