July 29, 2018 श्रीगुरुपौर्णिमा - उत्तरार्ध

श्रीसद्गुरुतत्त्व हे बोलाबुद्धीच्या पलीकडचे साक्षात् परब्रह्मस्वरूपच असते. श्रीसद्गुरूंच्या अनाकलनीय व निगूढ स्वरूपाचा थांग लागणे म्हणूनच अशक्य मानलेले आहे. श्री माउली म्हणतात की, मातेच्या गर्भातील जीव आपल्या आईचे वय जाणू शकत नाही. तसेच इथेही आहे. श्रीसद्गुरूंचे स्वरूप पूर्णपणे जाणणे कोणालाही कधीच शक्य नाही.
आपली जाण ही मायेच्या प्रांतातीलच असते. कारण आपली जाणण्याची सर्व साधने ही या जगातलीच आहेत आणि हे संपूर्ण जग तर मायेचाच विलास आहे. म्हणूनच मायेच्या पलीकडे असणारे सद्गुरुतत्त्व, आपण मायेचे अंकित असणारे जीव कधीच पूर्णपणे जाणू शकत नाही.
संतवाङ्मयाचे थोर अभ्यासक व शक्तिपातयोग परंपरेचे महान अध्वर्यू प.पू.श्री.शिरीषदादा कवडे यांच्या गुरुवर्णनाच्या एका बहारीच्या अभंगाचा आपण विचार करीत आहोत. प.पू.श्री.दादांनी या विलक्षण रचनेतून गुरुतत्त्वाचे फार सुंदर असे सूत्रबद्ध विवरण केलेले आहे. काल त्याची आपण पूर्वपीठिका पाहिली. आज त्या अभंगातील पाचही चरणांचा संतांच्या चरित्रातील अद्भुत कथांच्या माध्यमातून सविस्तर विचार करू या. सोबतच्या लिंकवरील लेखात प.पू.श्री.दादांच्या गुरु नाही नाशिवंत । ह्या नितांतसुंदर अभंगाचे त्यांच्याच कृपेने अल्पसे विवरण करण्याचा सेवायत्न केलेला आहे. श्रीगुरुपौर्णिमेच्या पावन पर्वावर ही शब्दसुमनांजली श्रीगुरुचरणीं प्रेमभावे समर्पितो व तेथेच विसावतो.

गुरु नाही नाशिवंत...उत्तरार्ध

https://rohanupalekar.blogspot.com/2016/07/blog-post_25.html?m=1

लेखक - रोहन विजय उपळेकर
भ्रमणभाष - 8888904481