July 17, 2018 साठवणीतली वारी - २

भगवान श्रीपंढरीरायांचे प्रेमभांडारी भक्तराज श्री नामदेवराय पंढरीचे निष्ठावंत भक्त होते. त्यांना पंढरी व पंढरीनाथांचा विरह अजिबात सहन होत नसे. त्या विरहाच्या भीतीने ते साक्षात् माउलींसह तीर्थयात्रेला जाण्याची संधी मिळूनही नाखूशच होते. मग प्रत्यक्ष देवांनी समजूत काढल्यावर ते तयार झाले. त्यांच्या गाथ्यात पंढरीचे माहात्म्य सांगणारे फार अप्रतिम अभंग आहेत. पंढरीचे व वारीचे प्रेम असणारा कोणीही सद्भक्त ते वाचून घळघळा रडेल. त्यातील एका अभंगात ते पंढरीच्या निष्ठावंत वारक-याचे महिमान गाताना म्हणतात,
पंढरीची वारी जयाचिये कुळी ।
तयाची पायधुळी लागो मज ॥१॥
तेणे त्रिभुवनी होईन सरता ।
नलगे पुरुषार्था मुक्ति चारी ॥२॥
पंढरीच्या वारक-याची परमपावन चरणधुली मस्तकी धारण केल्याने मी त्रिभुवनात श्रेष्ठ ठरेन. त्या सुखासमोर धर्म, अर्थ, काम व मोक्ष हे चारी पुरुषार्थ व सलोकता, समीपता, सरूपता आणि सायुज्यता या चारी मुक्तींची सुद्धा काहीच मातब्बरी नाही. किती गोड भावना आहे पाहा श्री नामदेवरायांची वारक-यांप्रति !
अशा या भूवैकुंठ पंढरीच्या वारीचे व भगवान श्री माउलींच्या सेवेचे महत्त्वपूर्ण संस्कार लहानपणी माझ्यावर ती.कै.सौ.भागीरथीबाई उडपीकर यांनी केले. त्यांच्या स्मृतीस आज पुन्हा सादर अभिवादन करतो. ती.भागीरथीबाईंच्या त्या भावपूर्ण स्मृतिकथा व फलटणच्या श्री माउलींच्या मंदिराचा इतिहास साठवणीतली वारी च्या दुस-या लेखात लिहिला होता. सदर लेख खालील लिंकवर जाऊन वाचावा ही विनंती.

साठवणीतली वारी - २
https://rohanupalekar.blogspot.com/2017/06/blog-post_21.html?m=1

लेखक - रोहन विजय उपळेकर
भ्रमणभाष - 8888904481