अशी ठेविली मूर्ति 'कल्याण'कारी
आज आषाढ शुद्ध त्रयोदशी, सद्गुरु समर्थ श्री रामदास स्वामी महाराजांचे स्वनामधन्य शिष्योत्तम आणि गुरुभक्तीची साक्षात् श्रीमूर्तीच असणा-या योगिराज सद्गुरु श्री कल्याणस्वामी महाराजांची आज ३०४ वी पुण्यतिथी.
श्री समर्थांची अपर-मूर्तीच असणारे श्री कल्याणस्वामी हे तुम्हां-आम्हां साधकांसाठी निरंतर आदर्शच आहेत. श्री कल्याणस्वामींचे समग्र चरित्र म्हणजे विलक्षण गुरुनिष्ठा व अलौकिक गुरुभक्तीचे महन्मंगल महाकाव्यच आहे. जो कोणी या कल्याण-चरित्रगंगेच्या काठी क्षणभर विसावेल, तिचे अमृतमधुर जल प्राशन करेल अथवा तिला मनोभावे वंदन करेल; तो अंतर्बाह्य आनंदमयच होऊन ठाकेल, एवढे अलौकिक सामर्थ्य तिच्यात आहे. आजच्या पावन दिनी आपणही या गंगौघाचा सप्रेम आस्वाद घेऊ या व आपलेही कल्याण साधू या.
श्री कल्याणस्वामींचे शिष्य तडवळ मठाचे श्री जगन्नाथस्वामी यांनी रचलेल्या कल्याण-नमनाच्या सुंदर अशा पाच श्लोकांमध्ये एक श्लोक फारच बहारीचा आहे. ते म्हणतात,
अविनाश हें नाम कल्याण ज्याचें ।
करी सर्व कल्याण सर्वा जिवांचे ।
समर्थें जनी ऊतरायासी पारी ।
अशी ठेविली मूर्ति कल्याणकारी॥३॥
"आमच्या सद्गुरुस्वामींचे 'कल्याण' हे नाम रामनामाप्रमाणेच अविनाशी असून, त्यायोगे असंख्य जीवांचे आजवर कल्याणच झालेले आहे. सद्गुरु श्री समर्थांनी या बुडत्या जनांना सुलभतेने भवसागरातून पार जाण्यासाठीच तर ही कल्याणकारी 'कल्याणमूर्ती' जगात सुप्रतिष्ठित करून ठेवलेली आहे. या श्रीमूर्तीच्याच कृपेने आम्हीही कल्याणधामी विसावलेलो आहोत. म्हणून आमचा स्वानुभवच गौरवाने कथन करतो की, कल्याणाचे नाम, कल्याणाचे ध्यान, कल्याणाची वाणी... सर्वकाही नावाप्रमाणे कल्याणकारीच आहे !"
कल्याणशिष्य श्री जगन्नाथस्वामींचे उपरोक्त वचन अक्षरसत्यच आहे. म्हणून आजच्या पावन दिनी आपणही श्री कल्याणचरणीं सादर साष्टांग दंडवतपूर्वक कृपायाचना करू या व आपले कल्याण साधू या.
सद्गुरु श्री कल्याणस्वामींच्या दिव्य चरित्रातील काही अद्भुत व भावमनोहर हकिकती खालील लिंकवरील लेखात संकलित केलेल्या आहेत, आपण त्यांचा आजच्या पावन दिनी आवर्जून मननपूर्वक आस्वाद घ्यावा ही विनंती.
धन्य 'कल्याण' रामदास
https://rohanupalekar.blogspot.com/2016/07/blog-post_17.html
लेखक - रोहन विजय उपळेकर
भ्रमणभाष - 8888904481
श्री समर्थांची अपर-मूर्तीच असणारे श्री कल्याणस्वामी हे तुम्हां-आम्हां साधकांसाठी निरंतर आदर्शच आहेत. श्री कल्याणस्वामींचे समग्र चरित्र म्हणजे विलक्षण गुरुनिष्ठा व अलौकिक गुरुभक्तीचे महन्मंगल महाकाव्यच आहे. जो कोणी या कल्याण-चरित्रगंगेच्या काठी क्षणभर विसावेल, तिचे अमृतमधुर जल प्राशन करेल अथवा तिला मनोभावे वंदन करेल; तो अंतर्बाह्य आनंदमयच होऊन ठाकेल, एवढे अलौकिक सामर्थ्य तिच्यात आहे. आजच्या पावन दिनी आपणही या गंगौघाचा सप्रेम आस्वाद घेऊ या व आपलेही कल्याण साधू या.
श्री कल्याणस्वामींचे शिष्य तडवळ मठाचे श्री जगन्नाथस्वामी यांनी रचलेल्या कल्याण-नमनाच्या सुंदर अशा पाच श्लोकांमध्ये एक श्लोक फारच बहारीचा आहे. ते म्हणतात,
अविनाश हें नाम कल्याण ज्याचें ।
करी सर्व कल्याण सर्वा जिवांचे ।
समर्थें जनी ऊतरायासी पारी ।
अशी ठेविली मूर्ति कल्याणकारी॥३॥
"आमच्या सद्गुरुस्वामींचे 'कल्याण' हे नाम रामनामाप्रमाणेच अविनाशी असून, त्यायोगे असंख्य जीवांचे आजवर कल्याणच झालेले आहे. सद्गुरु श्री समर्थांनी या बुडत्या जनांना सुलभतेने भवसागरातून पार जाण्यासाठीच तर ही कल्याणकारी 'कल्याणमूर्ती' जगात सुप्रतिष्ठित करून ठेवलेली आहे. या श्रीमूर्तीच्याच कृपेने आम्हीही कल्याणधामी विसावलेलो आहोत. म्हणून आमचा स्वानुभवच गौरवाने कथन करतो की, कल्याणाचे नाम, कल्याणाचे ध्यान, कल्याणाची वाणी... सर्वकाही नावाप्रमाणे कल्याणकारीच आहे !"
कल्याणशिष्य श्री जगन्नाथस्वामींचे उपरोक्त वचन अक्षरसत्यच आहे. म्हणून आजच्या पावन दिनी आपणही श्री कल्याणचरणीं सादर साष्टांग दंडवतपूर्वक कृपायाचना करू या व आपले कल्याण साधू या.
सद्गुरु श्री कल्याणस्वामींच्या दिव्य चरित्रातील काही अद्भुत व भावमनोहर हकिकती खालील लिंकवरील लेखात संकलित केलेल्या आहेत, आपण त्यांचा आजच्या पावन दिनी आवर्जून मननपूर्वक आस्वाद घ्यावा ही विनंती.
धन्य 'कल्याण' रामदास
https://rohanupalekar.blogspot.com/2016/07/blog-post_17.html
लेखक - रोहन विजय उपळेकर
भ्रमणभाष - 8888904481
Posts
0 comments:
Post a Comment